Fiabe siciliane by Raisi

.

Lu vecchiu avaru

Giuseppe Pitrè

.

Giuseppe Pitrè

Giuseppe Pitrè

C’era un vecchiu avaru, lu quali si maritau tri voti facennu mòriri li mugghieri.

Chistu, allura chi si spusava, a li mugghieri ci facia di pattu di mangiari picca. Iddu ci dicia: – “Siddu avemu a stari ‘nsèmula, tu ha’ a fari comu dicu iu.” La matina misi tri linticchi ni la pignata e li fici vùgghiri. Chisti linticchi avianu ad essiri pi la mangiata. Cotti di tri linticchi, lu maritu jinchiu di vrodu li piatta, cu di tri linticchi divisi. La sira accattau un granu di sardi salati, e lu maritu vosi fatta la sula cuda. La mugghieri facia accussi comu dicia iddu, e si mangiava la mezza cuda. Cu stu modu janu ‘nsicchennu adàciu adàciu, e accussì morsi la prima.

Poi iddu si maritau arrèdi, e cu la secunna fici lu stissu.

A la terza mugghieri però, nun ci arrinisciu accussi! – Iddu avia un gaddinaru chinu di gaddini, e siccomu iddu prima chi si ni jia, urdinava sempri o li tri linticchi o la sarda salata; la mugghieri ca era scaltra si nni iu ni lu gaddinaru, ammazzava ‘na gaddina a la vota, e si facia lu brodu. Comu poi arrivava lu maritu di la campagna, sulìa asciari la cuda di la sarda, o li tri linticchi. La mugghieri ci nisciu ddi cosi, e poi fingia di mangiari ‘nsèmmula. Si mangiavanu dda testa di sarda e finianu.

Ma la mugghieri ‘na matinata, comu vitti ca li gaddini avìanu finutu, e nun ristava àutru chi un sulu gaddu, pinsau di giusto di sciacallu (azzopparlo). Comu poi s’arricugghiu lu maritu, idda ci dissi:

” C’é un gaddu sciancatu; lu sapiti chi vi dicu? ni lu mangiamu.”

“Si, dissi lu maritu. Ma chistu gaddu n’havi a bastari pi dui misi”.

“E comu?”

“Primu si fannu l’ugni, poi lu pizzu; ‘nsumma ni l’amu a cumpanaggiari pi du’ misi”.

La mugghieri, comu iddu si nni iju ‘ncampagna, lu cuciu tuttu e lu sarvau. Poi, comu iddu vinni, ci spiau:

“Lu cucisti lu gaddu?”

“Gnursì.”

“Ma chi cucisti, lu pizzu, e l’ugni?”.

“Fici comu mi dicistivu vui!”.

Poi la L'Avaro Antonelli-Sordimugghieri lu iu a quariari ni la pignata cu lu vrodu, lu scinniu e lu misi ni lu fagottu. Comu iddu taliava a la porta d’unni vinia sò migghieri, iddu s’addunau ca chidda scinnia cu lu fagottu cu lu gaddu sanu, e comu vitti lu gaddu si sucàu tuttu e gridava sugghiuzziannu:

“iih! tuttu, Catarina!… iih!… tuttu Catarina!…”

La mugghieri, comu vitti ca idu stava murennu dicennu chistu, chiamau quattru tistimoni e ci dissi:

“Iu mi chiamu Catarina, mè matiru ca sta murennu dici: Tuttu Catarina; pircui la robba é tutta mia?”.

Fici chiamari lu Nutaru, e chiddu facia signali cu la manu. La mugghieri sempri dicia;

” Lu viditi? La robba é tutta mia?”

Iddu muriu e la muggieri cu la robba poi si maritau arreri. Favula ditta, favula scritta. Diciti la vostra ca la mia é ditta.